روزہ دار کو چاہئے کہ وہ رمضان میں جھوٹ بولنے سے بچتا رہے

روزہ دار جھوٹ سے بچے

قَالَ النَّبِیُّ صَلَّی اللہُ عَلَیْہِ وَسَلَّمَ : مَنْ لَمْ یَدَعْ قَوْلَ الزُّوْرِ وَالْعَمَلَ بِہٖ فَلَیْسَ لِلہِ حَاجَۃٌ فِیْ اَنْ یَدَعَ طَعَامَہٗ وَشَرَابَہٗ۔
آنحضرت ﷺ نے فرمایا جو شخص جھوٹ بولنے اور جھوٹ پر عمل کرنے سے اجتناب نہیں کرتا اللہ تعالیٰ کو اسکے بھوکا پیاسا رہنے کی کوئی ضرورت نہیں یعنی اسکا روزہ رکھنا بیکار ہے ۔ (بخاری کتاب الصوم )

نیاچاند دیکھنے کی دُعا

عَنْ طَلْحَۃَ بْنِ عُبَیْدِ اللہِ رَضِیَ اللہُ عَنْہُ اَنَّ النَّبِیَّ صَلَّی اللہُ عَلَیْہِ وَسَلَّمَ کَانَ اِذَا رَأَی الْھِلَالَ قَالَ: اَللّٰھُمَّ اَھِلَّہٗ عَلَیْنَا بِالْاَمْنِ وَالْاِیْمَانِ وَالسَّلَامَۃِ وَالْاِسْلَامِ رَبِّیْ وَرَبُّکَ  اللہُ ، ھِلَالُ  رُشْدٍ وَخَیْرٍ۔
حضرت طلحہ بن عبید اللہ رضی اللہ عنہ بیان کرتے ہیںکہ آنحضرت ﷺ جب نیا چاند دیکھتے تو یہ دعا کرتے اے میرے خدا ! یہ چاند امن و امان اور صحت و سلامتی کے ساتھ ہر روز نکلے ۔ اَے چاند! میرا ربّ اور تیرا ربّ اللہ تعالیٰ ہے تُو خیر و برکت اور رُشد و بھلائی کا چاند بن۔
(ترمذی کتاب الدعوات، بحوالہ حدیقۃ الصالحین حدیث نمبر 269،271 مصنفہ مکرم ملک سیف الرحمٰن صاحب )